أفضل 10 أنواع كريم اساس للبشرة الجافة

أفضل 10 أنواع كريم اساس للبشرة الجافة

  • 2 نوفمبر 2023
  • admin

أفضل 10 أنواع كريم اساس للبشرة الجافة . كتير من اصحاب البشره الجافه بيعانوا من استخدام اي كريم اساس علي بشرتهم خصوصًا في فصل الشتاء و كمان لو الفاونديشن تغطيته عاليه لانه بيكون شكله وحش علي البشره بس الحقيقه انهم لو بيراعوا حاجات مهمه قبل الميك اب او اثناء اختيار الميك اب مش هيتعرّضوا للمشاكل دي ، زي ان كتير من البنات اللي بشرتها جافه بتختار اي كريم اساس و مش بتهتم تعرف اذا كانت اصلًا هيناسبها او لا ده غير انهم مش بيرطّبوا بشرتهم قبل تطبيق المكياچ و ده غلط كبير ، اتكلمنا في موضوع فات عن مرطبات البشره الجافه تقدري تروحي تشوفيه عشان تعرفي تستخدمي ايه قبل الميك اب ، و الموضوع ده هنتكلم عن أفضل 10 أنواع كريم اساس للبشرة الجافة.

فاونديشن بورچوا هيلثي ميكس / Bourjois Healthy Mix Foundation

من أفضل 10 أنواع كريم اساس للبشرة الجافة و بيتميز بتغطيته و احساسه الخفيف علي البشره في نفس الوقت ، بيضيف للبشره الجافه لمعه صحيه جميله جدًا و بيرطبها و تقدري تستخدميه في المناسبات و كمان الصبح لانه مش تقيل ابدًا و لو بشرتك فيها عيوب كتير هيقدر يغطّيها بشكل جميل من غير ما يظهر مكتّل او Cakey.

0
أعجبني
0
فاونديشن لوريال انفالبل 24 ساعه فريش وير / L’oreal Infallible 24hr Fresh Wear

من أفضل كريمات اساس للبشرة الجافة اللي نزلت مصر مؤخرًا و حصل عليه ضجه كبيره و هو فعلًا يستحقها لان تغطيته عاليه و درجاته متوفره بشكل كبير، كما يمكن مشكلته ان الدرجه بس بتغمق بعد شويه لكن ممكن تختاري درجه افتح منك بحيث لما تغمق تبقي نفس درجتك، سعره متوسط و يناسب فئه كبيره من البنات و ثباته كويس جدًا.

0
أعجبني
0
فاونديشن لوريال ترو ماتش / L’oreal True Match Foundation

اتكلمت عن الفاونديشن ده في موضوع أفضل 10 كريمات أساس للبشره الدهنيه و قولت انه شكله النهائي علي البشره مش مطفي تمامًا و في نفس الوقت مش لامع و النقطه دي تخليني اقولكم انه مناسب لكل انواع البشره و هو واحد من كريمات اساس للبشرة الجافة المفضله ليا شخصيًا ، تغطيته متوسطه تقدري توصليها لـ عاليه بزيادة طبقه علي البشره ، درجاته حلوه جدًا و بتجمع بين الأندرتون الأصفر و المحايد و البينك و سعره كمان لطيف و متاح في اي استور ميك اب اوريچينال كما يعتبر احسن كريم اساس للبشرة الجافة.

0
أعجبني
0
فاونديشن لوريال انفالبل برو جلو / l’oreal Infallible Pro-Glow Foundation

فاونديشن خفيف جدًا ليه معامل حمايه من الشمس 18 لكن طبعًا مش كافيه لحمايتك من الشمس و لا هي نسبه تقدر تعمل فلاش باك لو هتتصوري ، و الاهم انك مش بتحسي ان في طبقه علي البشره و كمان بيندمج تمامًا معاها فـ بيظهر شكله طبيعي جدًا من غير اي تكتلات ، تقدري تستخدميه الصبح لكن منصحش بيه استخدام يومي و الافضل تستخدميه في المناسبات ، سعره حوالي 320 جنيه مصري و درجاته كتير فـ اكيد هتلاقي اللي يناسبك منهم.

0
أعجبني
0
فاونديشن ويت ان وايلد فوتو فوكس / Wet N Wild Photo Focus Foundation

نفس الفاونديشن كنت اتكلمت عنه في موضوع أفضل 10 كريمات أساس للبشره الدهنيه و هو بالفعل مناسب للبشره الدهنيه و كمان الجافه لانه في النهايه علي البشره بيكون شكله Satin يعني مش مطفي بحيث يقل لمعة البشره الدهنيه و كمان مش لامع ، تغطيته متوسطه و بقي متوفر في مصر بشكل كبير و سعره حوالي 200 جنيه ، له ريحه غير مستحبه لكن بتروح بالدمج فهو احسن كريم اساس للبشرة الجافة.

0
أعجبني
0
فاونديشن ميبلين فت مي ديوي + سموز / Maybelline Fit Me Dewy + Smooth Foundation

فاونديشن ميبلين ده من اسمه هو مناسب جدًا جدًا لأصحاب البشره الجافه و ده لانه اللوك النهائي له لامع و صحي و زي ما قولنا دي حاجه اصحاب البشره الجافه دايمًا محتاجينها ، تغطيته متوسطه و ميزته انه خفيف علي البشره تقدري تستخدميه بشكل يومي او خلال النهار و كما ان سعره مناسب مش غالي خالص و درجاته متنوعه و مناسبه لدرجاتنا كـ عرب.

0
أعجبني
0
فاونديشن لاجيرل برو كڤردج / L.A Girl Pro Coverage Foundation

فاونديشن لاجيرل تغطيته عاليه و بيحتوي علي نسبة ترطيب عاليه علشان يناسب البشرات شديدة الجفاف من غير ما يبيّن اي قشور فيها او جفاف زياده ، و لأن تغطيته عاليه انصحك باستخدامه في المناسبات فقط علشان متعرّضيش بشرتك لأي اضرار ، سعره متوسط و درجاته بتغمق لما بتندمج مع البشره لكن درجاته متاحه بشكل كبير فيعد افضل كريم اساس للبشرة الجافة.

0
أعجبني
0
فاونديشن ريميل ماتش بيرفيكشن / Rimmel Match Perfection Foundation

الفاونديشن ده متوفر منه علي مستوي العالم درجات كتير لكن في مصر متوفر درجات محدوده مش بتناسب كل درجات البشره ، سعره متوسط يميل للعالي شويه و حجمه مناسب بس للاسف احساسه علي البشره تقيل نسبيًا و ده هيضايق بعض الناس لكن مش بيبين اي جفاف في البشره خالص و شكله طبيعي كما يعد افضل كريم اساس للبشرة الجافة.

0
أعجبني
0
فاونديشن ايسنس فريش اند فت / Essence Fresh And Fit Foundation

كريمات اساس للبشرة الجافة ايسنس بتجمعها ميزه و عيب ، الميزه هي ان اسعارها رخيصه جدًا و تناسب كل البنات خاصًة بنات الجامعه و العيب هو ان درجاتهم للأسف مش متنوعه و لا متاحه بشكل كبير ده غير ان الدرجه بتتأكد ” لونها بيغمق ” بعد شويه ، لكن هو تغطيته من خفيفه لـ تحت المتوسطه و مناسب للاستخدام اليومي و شكله علي البشره Dewy يعني فيه لمعه فـ انصحك بيه لو ميزانيتك محدوده و لو لقيتي درجتك المناسبه فيه.

0
أعجبني
0
فاونديشن تو فيسد بورن ذيس واي / Too Faced Born This Way Foundation

فاونديشن هاي إند ممتاز لأصحاب البشره الجافه فهو افضل كريم اساس للبشرة الجافة رغم ان مكتوب عليه Oil Free g لكنه علي البشره مش Matte بشكل كامل فـ هيناسب اصحاب البشره الجافه مع مراعاة الترطيب قبله و تغطيته عاليه ده غير ان درجاته كمان كتير و تقدري تختاري الدرجه المناسبه ليكي لكن مشكلته ان سعره عالي و مش مناسب لكل البنات و كمان هو استخدام مناسبات فقط لانه احساسه تقيل علي البشره نسبيًا ، و مشكلته الكبيره في مصر انه موجود اونلاين فقط و هي دي الاسباب اللي خلتني اعتبره في المركز العاشر رغم جودته.

0
أعجبني
0

اترك لنا تعليقك