أفضل 10 أطعمه للوقايه من فيروس كورونا

أفضل 10 أطعمه للوقايه من فيروس كورونا
شارك هذه المقالة مع أصدقائك!

أفضل 10 أطعمه للوقايه من فيروس كورونا . اتكلمنا في موضوع سابق عن أفضل 10 طرق للوقايه من فيروس كورونا و وضّحنا اهمية تقوية المناعه و دورها الرئيسي في مكافحة الفيروس و كمان قولنا ان تعزيز المناعه بيكون عن طريق تناول اطعمه غنيه بالالياف زي الخضار و الفاكهه ، و النهارده قررنا نسهّل الموضوع اكتر و نتكلم معاكم عن أفضل 10 أطعمه للوقايه من فيروس كورونا او بتعبير آخر أفضل 10 أطعمه لتقوية المناعه و ده اللي نشرته صحيفة DAILY MAIL نقلاً عن مجموعه من خبراء التغذيه باستراليا ، و هي دي ابسط الطرق اللي نقدر نكافح بيها المرض لان كلنا بنعتمد علي الاكل خلال يومنا كمصدر للطاقة.

تقوية الجهاز المناعي للجسم

لازم و احنا بنتكلم عن تقوية الجهاز المناعي بالاستعانه بالاطعمه و المواد الطبيعيه نتكلم كمان عن تقوية الجهاز المناعي بالابتعاد عن التدخين و كمان عدم الخوف و التوتر لانهم بيضعفوا المناعه بشكل غير عادي ، و كمان نفكركم ان ممارسة الرياضه من اهم الانشطه اللي بتساعد في تعزيز المناعه و بتحمينا من امراض كتير حتي بعيدًا عن الفيروسات و غيرها ، كمان النوم لساعات كافيه و الالتزام بالنوم في فترة الليل ده هيساعدنا كتير جدًا في تقوية مناعتنا و التصدق لأي امراض و اوبئه بتطاردنا ، و عمومًا اتكلمنا في موضوع سابق عن طرق تعزيز المناعه و حبينا في الموضوع ده نوضّح ازاي ممكن نقوي المناعه بأطعمه مختلفه.

أفضل 10 أطعمه للوقايه من فيروس كورونا
أفضل 10 أطعمه للوقايه من فيروس كورونا

أفضل 10 أطعمه للوقايه من فيروس كورونا

طرق الوقايه من فيروس كورونا كلها مرتبطه ببعضها يعني اكيد لو اكلت اكل صحي بيساهم في تقوية المناعه و بعدين اختلطت بمجموعه من الناس او ملتزمتش بالاجراءات اللازمه للاسف كده مستحيل تكون بتحمي نفسك من الاصابه بالفيروس علشان كده كان ضروري ننوّه عن أهمية الالتزام بجميع الارشادات السليمه في وقت واحد مش بس نلتزم ببعضها و ننسي الباقي ، و بالنسبه للاطعمه اللي هتساعدك في تقوية المناعه فـ هي سهلة التوفر و كمان كلها رخيصه زي :

10- التوت

التوت
التوت

بيحتوي التوت علي نسبه عاليه من فيتامين سي و E اللي ليهم قدره عاليه علي انتاج الاجسام المضاده للامراض في الجسم ، ده غير انه غني بمضادات الأكسدة اللي بتساهم في تعزيز الجهاز المناعي ، و كمان نقدر ناكله او نعمل منه عصير و نضيف عليه العسل الابيض و نستخدم كمان التوت البري علي السلطات لانه بيساعد في الحفاظ علي الجهاز الهضمي سليم و مفيد لتجنب الامساك و عسر الهضم ، و الحلو كمان انه من الفواكه المفضله للاطفال لان شكله و لونه جذابين جدًا.

9- الفطر ” المشروم “

المشروم
المشروم

له انواع كتير و لكن افصل انواعه هي فطر الشيتاكي لانه بيتميز بتعبئته بمركبات بيتا جلوكان المعروفه بأنها مركبات مضاده للبكتيريا و الالتهابات ، يعني النوع ده من الفطر مش بس هيقوي مناعتك لكنه كمان هيساعدك في التخلص من اي التهابات بالجسم و كمان بيحتوي علي نسبه عاليه من البوتاسيوم اللي بينظم السوائل في الجسم و بيوازن ضغط الدم ، كمان المشروم مفيد في فقدان الوزن لانه بيدّي شعور بالامتلاء و الشبع لفترات طويله.

8- البيض

البيض
البيض

بيحتوي البيض في تركيبته علي حوالي 20 نوع من المعادن و الفيتامينات الاساسيه اللي الجسم بيفتقرها و محتاجها دايمًا خصوصًا في ظل انتشار الاوبئه و الامراض ، ده غير انه كمان بيحتوي علي عنصر السيلينيوم اللي بيعتبر واحد من مضادات الأكسدة القويه و الفعاله في تعزيز المناعه الخاصه بالجسم بالاضافه لكل ده هو من الاطعمه المتوفره و الغير مكلفه كمان فـ تناول البيض بشكل يومي امر غير صعب.

7- الشاي الأخضر

الشاي الاخضر
الشاي الاخضر

الشاي الاخضر مش بس مفيد للتخسيس زي ما ناس كتير فاكره لكن كمان بيحتوي علي نسبه عاليه من الفلافونويد و ده واحد من اقوي مضادات الاكسده اللي بتحتوي علي نسبه عاليه من EGCG اللي بيقوم بدور قوي في تعزيز الجهاز المناعي و قدرته علي التصدي للامراض خصوصًا في فصل الشتا و الخريف اللي معروف انهم فصول انتشار الفيروسات و الميكروبات ، كمان الشاي الاخضر بيطهّر المعده و بيخلصها من اثار الدهون.

6- الزنجبيل

الزنجبيل
الزنجبيل

الزنجبيل من الاطمعه اللي ناس كتير مش بتفضّلها علي الرغم من فاعليته في علاج الامراض الالتهابيه و الحد من اعراضها و كمان تقليل الألم الزمن الناتج عن كتير من الامراض ، و مش هننسي نذكر انه بيقوّي الجهاز المناعي و هو ده اللي احنا محتاجينه الفتره الحاليه و بالاضافه لكل ده هو له خصائص و دور في خفض معدل الكوليسترول في الدم.

5- الكركم

الكركم
الكركم

يحتوي الكركم علي مادة الكركمين اللي بتساعد بدورها في الحد من الاصابه بالامراض و تعزيز قدرة المناعه الدفاعيه ضد الفيروسات و الاوبئه ، ده غير ان الكركم له خصائص مضادة للالتهاب و بيساهم في علاج التهاب المفاصل و التهاب المفاصل الروماتويدي و كمان متوفر في كل بيت يعني تقدر و بكل سهوله تحمي نفسك و عيلتك من الامراض.

4- الزبادي

الزبادي
الزبادي

من الفيتامينات اللي بتقوّي المناعه بشكل كبير هي فيتامين د و للاسف الفيتامين ده جسمنا بياخده عن طريق التعرض لأشعة الشمس في فترات معينه من الصبح او عن طريق الادويه لكن وجود الزبادي يعني وجود نسبه عاليه من فيتامين د بأبسط الطرق ، و لفايده اكبر ممكن تضيف العسل الابيض للزبادي علشان تحمي نفسك من الفيروسات و كمان بيحتوي اللبن علي البروبيوتيك و هو مكون قوي في تقليل التهابات الجهاز التنفسي تحديدًا.

3- الثوم

الثوم
الثوم

أقر المركز الوطني للصحه التكميليه و التكامليه ان الثوم له دور كبير في خفض ضغط الدم و كمان إبطاء تصلب الشرايين ده غير اهميته الكبيره في رفع كفاءة المناعه و القدره علي مقاومة امراض كتيره و ده لانه بيحتوي علي تركيزات عاليه من المركبات اللي بتحتوي علي الكبريت زي مركب الأليسين علي سبيل المثال ، و ينصح بسحق الثوم قبل تناوله لان ده بيعزز وجود الاليسين فيه.

2- الفلفل الأحمر

الفلفل الاحمر
الفلفل الاحمر

معلومه مغموره ناس كتير متعرفهاش و هي ان الفلفل الأحمر بيحتوي علي ضعف نسبة فيتامين سي الموجود في الفواكه الحمضيه و ده معناه انه له نفس القدره و اكتر علي مكافحة البكتيريا و مقاومة الالتهابات و تقوية الجهاز المناعي ، فـ علشان تعزز جهازك المناعي مش محتاج يكون عندك فواكه في بيتك لان الفلفل الأحمر هيعوّضك عن فايدتها و اكتر كمان.

1- الفواكه الحمضيه

الفواكه الحمضيه
الفواكه الحمضيه

زي ما كلنا عارفين الفواكه الحمضيه مليانه بـ فيتامين سي و علي مر الازمنه كنا بنعتمد عليها لمكافحة نزلات البرد العاديه و كمان هي هتفضل اهم حاجه ممكن ناكلها و نعتمد عليها في تعزيز المناعه و انتاج خلايا الدم البيضا اللي بتكافح الالتهابات ، و لان جسمنا بطبيعته مش بيقدر ينتج فيتامين سي ذاتيًا فـ لازم نهتم احنا بأكل البرتقال و اليوسفي و الليمون و الجريب فروت.

‫0 تعليق

اترك تعليقاً