أفضل 10 أنواع بودرة للبشرة الجافه

أفضل 10 أنواع بودرة للبشرة الجافه
شارك هذه المقالة مع أصدقائك!
أفضل 10 أنواع بودرة للبشرة الجافه
أفضل 10 أنواع بودرة للبشرة الجافه

أفضل 10 أنواع بودرة للبشرة الجافه . كتير من اصحاب البشره الجافه مش بيستخدموا بودره لتثبيت الفاونديشن اعتقادًا منهم انها هتخلي بشرتهم شكلها جاف و بدون لمعه صحيه لكن للاسف ده مش صح لان البودره مش بس مهمتها تثبيت الفاونديشن مكانه هي كمان بتمنع تراكم الاتربه علي وشك خصوصًا ان كلنا عارفين اي سطح رطب الاتربه بتترسب فوقه بسهوله جدًا ، فـ عشان تحمي بشرتك من ظهور مشاكل زي الحبوب مثلًا منصحكيش ابدًا تستخدمي فاونديشن بدون باودر فوقه ، و انا في الموضوع ده هرشحلك أفضل 10 بودره للبشره الجافه و اللي كلهم مش هينشفوا بشرتك ابدًا.

أرخص بودره للبشره الجافه

كل نوع بشره بالتأكيد لازم يدور علي خواص معينه موجوده في المنتج اللي بيستخدمه و علشان تستخدمي باودر مناسبه لنوع بشرتك الجافه ابعدي تمامًا عن اي باودر مكتوب عليها Matte او Oil Free لانها هتجفف بشرتك اكتر و كمان هتظهر شكل الميك اب علي بشرتك وحش جدًا ، الافضل تستخدمي باودر تبان طبيعيه علي بشرتك بدون ما تتسبب في جفافه او تظهر قشور موجوده في البشره بالفعل و انصحك تبعدي عن الاستخدام المكثف لاي باودر loose لانها ممكن كمان تجفف بشرتك.

أفضل 10 بودره للبشره الجافه

زي اي منتج فـ بودرات البشره الجافه برده بتختلف علي حسب اسعارها و انتي تقدري تختاري المناسب ميزانيتك و احتياجك ، و انا هرشحلك أفضل البودرات باسعار متفاوته علشان الكل يستفيد قدر الامكان :

10- نارس اول داي لومينوس باودر / Nars All Day Luminous Powder

Nars Powder
Nars Powder

دي تقريبًا اغلي باودر في كل اللي رشحناهم و سعرها هو السبب في انها تبقي اخر اختيار رغم جودتها العاليه و شكلها الطبيعي جدًا علي البشره ، غير انها كمان تقدري تستخدميها علي بشرتك بشكل مباشر بدون فاونديشن لانها هتقدر تديكي تغطيه لطيفه و ناعمه علي البشره ، للاسف مش متوفره في مصر و زي ما وضحنا سعرها عالي لكن متوفر منها درجات كتير.

9- ايسنس برايتن اب بانانا باودر / Essence Brighten Up Banana Powder

Essence Powder
Essence Powder

احلي حاجه في الباودر دي هي ان سعرها رخيص جدًا و متوفره في مصر بسهوله و كمان حجمها كبير و تناسب البشره الجافه او الدهنيه لانها مش بتطفي لمعة الوش بشكل كامل و في نفس الوقت بتثبت الفاونديشن مكانه فتره كويسه ، سعرها تحت 100 جنيه لكن مشكلتها ان مفيش منها غير درجه واحده و هي البانانا و دي مش هتناسب غير البنات القمحيه و السمرا بس.

8- لا جيرل برو فيس هاي ديفينيشن باودر / L.A Girl Pro- Face Hd Powder

L.a girl powder
L.a girl powder

باودر لاجيرل سعرها متوسط و تناسب كل أنواع البشره مش بس البشره الجافه و ده لان اللوك النهائي ليها مخملي و ناعم جدًا مش مطفي لكن كمان مش لامع ، درجاتها مش كتيره لكنها تقدر تغطي الوان بشره كتير و ميزتها الكبيره ان تغطيتها عاليه فـ لو بشرتك فيها مشاكل كتير تقدري تستخدميها بدون قلق ، مشكلتها انها مش متوفره في مصر غير اونلاين بس.

7- ريڤلون كلر استاي بريسد باودر / Revlon Color Stay Pressed Powder

Revlon Powder
Revlon Powder

فاونديشن ريفلون من اشهر الفاونديشنات علي مستوي العالم و رغم ان الباودر من نفس اللاين ” كلر استاي ” مش مشهوره الا انها واحده من افضل البودرات للبشره الجافه علي الاطلاق و تغطيتها عاليه جدًا و مناسبه جداً للسهرات و لكن منصحش بيها للاستخدام اليومي ، مشكلتها الكبيره هي انها بتبان تقيله شويه علي البشره و مش متوفره غير اونلاين فقط في مصر بدرجات محدوده.

6- ميلاني بريب + سيت + جلو الومينيتج باودر / Milani Prep + Set + Glow illuminating Powder

Milani Powder
Milani Powder

بودرة ميلاني بريب اند جلو متميزه خاصةً للبشرات المجهده لانها مش بس بتثبت الفاونديشن هي كمان بتضفي علي البشره لمعه صحيه و ترجع للبشره الجافه الحيويه اللي بتفتقدها و كمان ميزتها ان متاح منها درجه شفافه مش هتغير ابدًا من لون الفاونديشن لكنها هتثبته ، صعب تواجدها حتي اونلاين في مصر رغم انها متوفره بسهوله في الخليج و سعرها متوسط.

5- ويت ان وايلد فوتو فوكس باودر / Wet N Wild Photo Focus Powder

Wet N Wild Powder
Wet N Wild Powder

باودر مناسبه جدًا لكل أنواع البشره و ميزتها عن باقي الأنواع انها مختبره في 7 اضاءات و تقدري تتصوري بيها بكل امان لانها مش بتعكس الاضاءه و تبين شكل الميك اب وحش ، سعرها مناسب جدًا لكل الفئات و حجمها كبير ، فيها عيب و هو ان موجود فيها ذرات جليتر صغيره جدًا و ده ممكن يعتبر مشكله لناس كتير ، تقدري تستخدميها مع الفاونديشن من نفس اللاين لو عاوزه لوك ميك اب مميز للسهرات و التصوير الاحترافي.

4- بورجوا هيلثي ميكس باودر / Bourjois Healthy Mix Powder

Bourjois healthy mix powder
Bourjois healthy mix powder

واحده من انعم البودرات علي الجلد و شكلها طبيعي جدًا بالاضافه لتغطيتها المتوسطه و الأهم انها متوفره في مصر في أماكن كتير بسعر 250 جنيه تقريبًا ، الدرجات المتاحه في مصر قليله فـ مش هتناسب كل درجات البشره و فيها ميزه جميله جدا و هي انها مدعمه بفيتامينات مغذيه للبشره و ده اللي بيساعد في انها تبان علي البشره بشكل ناعم و صحي.

3- لوريال باريس انفاليبل برو جلو / L’Oréal Paris Infallible Pro Glow Powder

Loreal infallible powder
Loreal infallible powder

برده كنا اتكلمنا عن الباودر من نفس اللاين و لكن الخاصه بالبشره الدهنيه ضمن أفضل بودرات البشره الدهنيه و دي تعتبر من افضل البودرات للبشره الجافه لانها بتثبت الميك اب من غير ما تحوله لـ Matte او تظهر البشره بشكل جاف بالعكس بيكون اللوك النهائي طبيعي جداً و مش بتظهر عيوب البشره او بتبين جفافها و القشور اللي فيها زياده ، ميزتها كمان ان ليها درجات و بتدي تغطيه علي البشره بتعلي من تغطية الفاونديشن.

2- مايبيلين فت مي سيت اند سموز / Maybelline fit me set and smooth powder

Maybelline Powder
Maybelline Powder

من اكتر البودرات المشهوره للبشره الجافه و هي فعلا تستحق الشهره دي لانها بتتميز بنقط كتير زي التنوع الكبير في درجاتها و اللي بيخليها تناسب الوان بشره كتير ، غير سعرها الرخيص و توفرها في مصر بسهوله و كمان شكلها الطبيعي علي البشره ، هي بتقدر تثبت الفاونديشن و الكونسيلر علي البشره فتره طويله و تقدري تستخدميها في السهرات لكن مشكلتها ان تغطيتها خفيفه جدًا فـ مش هتناسب البشرات اللي فيها عيوب كتير.

1- لوريال باريس ترو ماتش سوبر بلندبل / L’Oréal Paris True Match Super Blendable

Loreal true match powder
Loreal true match powder

تعتبر افضل باودر رخيصه مناسبه للبشره الجافه و ده لانها خفيفه جدًا علي البشره و في نفس الوقت بتساعد في انها تعلي من تغطية الفاونديشن و بتتميز بنقطه مهمه جدًا مش سهل تلاقيها في اي باودر و هي انها قابله للبناء بمعني انك لو احتاجتي تزيدي منها طبقه تانيه مش هتبان بشكل وحش و هتفضل ناعمه علي الجلد حتي لو الكمليه زادت منك شويه ، متوفره في مصر بسهوله و سعرها حوالي 300 جنيه مصري.

‫0 تعليق

اترك تعليقاً