محتوي المقالة
أفضل 10 أنواع بودرة للبشرة الدهنية، حيث ان استخدام كريم اساس علي بشرتنا بيضطرنا نستخدم كمان باودر علشان نثبت بيه كريم الاساس فتره اطول و اكيد زي ما اتفقنا ان مش اي منتج نقدر نستخدمه علي اي بشره و لازم تختاري المنتجات المناسبه ليكي علشان توصلي لأفضل نتيجه ، النهارده هنتكلم عن افضل بودره للوجه الدهني و اللي هتبقي أهم حاجه بتميزهم انهم بيطفوا اللمعه اللي بتزعج اصحاب البشره الدهنيه كلهم و بتخرّب شكل المكياج علي بشرتهم.
أفضل 10 أنواع بودرة للبشرة الدهنية
أهمية باودر للبشرة الدهنية لا تقل عن أهمية الفاونديشن لو انتي شايفاه مهم يعني باختصار مش صح أبدًا و مش تكنيك احترافي انك تحطي فاونديشن من غير تثبيته ببودره ، و الحقيقه ان البودره مش بس فايدتها انها بتثبت الفاونديشن فتره طويله علي البشره لكن زي ما اتفقنا هي مفروض تكون بتطفي اللمعه الغير مرغوب فيها من البشره و في نفس الوقت تبان طبيعيه و متدخلش في مسام البشره و تبرزها اكتر ، احيانًا ممكن يبقي ليها لون علشان تزود تغطية الفاونديشن و احيانًا بتكون شفافه علشان متغيّرش لون الفاونديشن.
افضل بودره للوجه الدهني حيث يكون ليها كذا شكل او Form و بالتالي كل شكل بيكون ليه الخواص بتاعته ، يعني في منها النوع المضغوط ( Compact ) و النوع التاني بيكون سايب ( Loose ) ، المضغوطه بتتميز انها غالبًا بيكون ليها تغطيه فـ تقدر تزود تغطية الفاونديشن لكن من عيوبها انها بتبان بشكل مغبر علي البشره و السايبه بتبان طبيعيه اكتر لانها خفيفه جدًا لكن متقدرش تضيف تغطيه زياده للبشره و بالتالي اختيارك للباودر من حيث طبيعتها بيكون بناءًا علي احتياجك و رغبتك.
بودرة للبشرة الدهنية
هنتكلم عن مجموعه من افضل بودره للوجه الدهني و هننوع بين المضغوطه و السايبه بحيث تقدري تختاري من بينهم بكل سهوله لكن في النهايه اللي بيجمعهم هي خاصة الـ Mattefying لانهت الاصح في التعامل مع البشره الدهنيه.
10- آر سي ام اي نو كلر باودر / RCMA no color Loose powder
من افضل باودر للبشرة الدهنية و تعتبر بديل لماركات كتير اوي غاليه جدًا و يمكن مشكلتها الوحيده في عدم توفرها في مصر و كمان انها بس شفافه فـ مش هتقدري تستخدميها لو محتاجه تغطيه علي بشرتك و لو لون بشرتك مش فاتح برده مش هتناسبك لانها هتبان مجيّره غالبًا ، بس منقدرش ننكر انها ناعمه جدًا علي البشره و مش بتكس الاضاءه كمان و حجمها كبير.
يبلغ سعرها حوالي 600 جنيه مصري.
9- ايسنس اول اباوت مات باودر / Essence all about matte powder
افضل بودرة للبشرة الدهنية حيث انها باودر سعرها لطيف فـ هتناسب فئه معينه من البنات زي المراهقين او اللي ميزانياتهم محدوده ، مش متوفر منهع درجات كتير و مش بتقدر تثبت الفاونديشن علي البشره بشكل مطفي لفتره طويله يعني اخرها 4 ساعات لكنها برده مش وحشه مقارنًة بسعرها خصوصًا انها متوفره في مصر.
يبلغ سعرها حوالي 139 جنيه مصري.
8- ميبيلين سوبر استاي باودر / Maybelline super stay powder
باودر مايبيلين سوبر استاي افضل بودرة للبشرة الدهنية لو بتدوري علي باودر تثبت الميك اب كويس جدًا و في نفس الوقت تديكي تغطيه عاليه فوق تغطية الفاونديشن كمان ، و احلي حاجه فيها انها متوفره في مصر بدرجات كتيره نسبيًا و كمان حجمها هيساعد في انها تفضل معاكي فتره طويله ، شكلها بيبان تقيل شويه علي البشره و ده بسبب تغطيتها
يبلغ سعرها حوالي 425 جنيه مصري.
7- ان واي اكس هاي ديفينيشن فينيشنج باودر / NYX high definition finishing powder
باودر مضغوطه من ان واي اكس افضل بودرة للبشرة الدهنية انها كويسه جدًا و هو ده السبب اللي خلاني احطها في المرتبه السابعه، و كمان لو اتوفرت اونلاين سعرها بيكون عالي لكنها متميزه بجد و بتغطي عيوب البشره كويس حتي انك ممكن تستخدمينها لوحدها بدون فاونديشن لو عاوزه لوك خفيف ، بتبين البشره شكلها ناعم و طبيعي بدون عيوب و شكلها كمان بيكون حلو في التصوير.
يبلغ سعرها حوالي 680 جنيه مصري.
6- ويت ان وايلد فوتو فوكس باودر / Wet n wild photofocus powder
كمان اتكلمنا عن فاونديشن فوتو فوكس من ويت ان وايلد و قولنا انه مش completely matte لكنه يناسب اصحاب البشره الدهنيه اللي بيحبوا شكل البشره يكون Glowy شويه ، و الباودر بتاعته نفس الكلام بمعني انها مش بتطفي اللمعه اوي لكنها مناسبه و بتساعد ان الفاونديشن يبقي شكله احلي ، مشكلتها ان فيها ذرات جليتر صغيره جدًا لكنها مش بتبان علي البشره ، لكن سعرها حلو و كمان تقدري تتصوري بيها بفلاش بدون ما تعكس الضوء و يبقي شكلها ابيض علي بشرتك.
يبلغ سعرها حوالي 200 جنيه مصري.
5- لوريال انفاليبل برو مات باودر / L’oreal paris infallible pro matte powder
من اشهر وافضل انواع البودرة للبشرة الدهنية في الميك اب هو لاين انفاليبل 24 ساعه من لوريال لانه فعلًا قادر يديكي اللوك المطفي اللي نفسك فيه و بالباودر دي زي الفاونديشن بتاعها برده بتطفي لمعة الوش تمامًا ، مشكلتها انها بتخلي شكل البشره ناشف بدون اي لمعه لكن في النهايه في ناس كتير بتحب ده جدًا ، هي باودر ليها درجات كتير فـ تناسب الوان بشره كتير و كمان بتزود تغطية الفاونديشن بدون ما تكتّل.
يبلغ سعرها حوالي 200 جنيه مصري.
4- كاتريس اول مات بلس باودر / Catrice all matte plus powder
من افضل انواع البودرة للبشرة الدهنية و المتوفره في مصر بكل سهوله و بتتميز بحاجات كتير زي انها مش بتطفي لمعة البشره بشكل وحش و تحسي ان بشرتك نشفت جدًا لا بالعكس هي بتطفي اللمعه الغير مرغوب فيها بس لان فيها ذرات بتعكس اضاءة البشره و كمان بتحافظ علي شكل الفاونديشن ناعم فتره اطول ، مشكلتها بس ان مفيش منها غير درجتين و درجه شفافه لكنها جوده فعلًا كويسه
يبلغ سعرها حوالي 120 جنيه مصري.
3- مايبلين فيت مي مات + بورليس باودر / Maybelline fit me matte & poreless Powder
اتكلمنا عن الفاونديشن من نفس اللاين ده في مايبيلين. و قولنا انه حلو جدًا و خفيف و باودر للبشرة الدهنية بتاعته كمان ليها نفس الخواص. بـ معني انها مناسبه جدًا للبشره الدهنيه. و بتساعد في انها تطفي اللمعه لفتره حوالي 6 ساعات و الاحلي في الباودر دي انها بتنعم شكل المسام الواسعه متوفره في مصر بسهوله.
يبلغ سعرها حوالي 163 جنيه مصري.
اقرأ ايضًا:- اسكراب للبشره الدهنيه
2- كوتي اير صبن لوس باودر / Coty airspun loose powder
افضل انواع البودرة للبشرة الدهنية حيث ان كثير من الناس تستخدم لوس باودر لان شكلها بيكون انعم علي الجلد و ده حقيقي و الباودر دي من افضل اللوس باودرز الموجوده لانها بتثبت الفاونديشن فتره طويله و كمان مش بتبرز شكل المسام الواسعه اللي كتير مننا بيعاني منها اكتر و بتبقي علي البشره كأنها فلتر ، مشكلتها ان ريحتها مش لطيفه و كمان مش متوفره غير اونلاين ، سعرها حوالي 300 جنيه مصري لكن حجمها كبير.
يبلغ سعرها حوالي 330 جنيه مصري.
تعرفي ايضًا على:- افضل سيروم للبشرة الدهنية
1- ريميل استاي مات باودر / Rimmel stay matte powder
من أفضل 10 أنواع بودرة للبشرة الدهنية لانها بتساعد في انها تطفي لمعة البشره. و كمان تثبت الفاونديشن حوالي 5 ساعات . و يفضل شكله ناعم بدون اي تكتلات في فترة الصيف اللي البشره بتعرق فيها كتير و دهونها بتبقي زيادة. ميزتها كمان انها متوفر منها درجات تليق علي معظم الوان البشره.
يبلغ سعرها حوالي 450 جنيه مصري.
