صحة وجمال

أفضل 10 أنواع عطر نسائي

أفضل 10 أنواع عطر نسائي . حاجات كتير ممكن تترشح من شخص للتاني و فعلًا يجربها بدون اي قلق لكن ده مش سهل ابداً يحصل مع العطور لانها في النهايه اذواق قبل ما تكون جوده يعني باختصار ميفرقش معاك كـ شخص ان العطر ده ثابت اد ما هيفرق معاك اذا كانت ريحته اصلًا مناسبه لذوقك او لا، لكن كمان برغم كل ده في انواع عطور اثبتت كفائتها من كل الجهات سواء ثبات او قوة العطر نفسه او توافقه مع كتير من الاذواق و في المقال ده قررنا نرشحلكم أفضل 10 أنواع عطر نسائي علشان نسهّل عليكي اختيار و نعرّفك ايه الاشهر و الأفضل حاليًا في عالم العطور.

أفضل 10 أنواع عطر نسائي
أفضل 10 أنواع عطر نسائي

أفضل 10 أنواع عطر نسائي

10- VICTORIA SECRET BOMBSHELL

VICTORIA SECRET BOMBSHELL
VICTORIA SECRET BOMBSHELL

عطر فوّاح مناسب لفترة الصبح جدًا لانه منعش و فروتي لكن صعب الاعتماد عليه في السهرات و المناسبات و زيه زي كل منتجات ڤيكتوريا سيكريت الخاصه بالعنايه بالجسم للاسف ريحته غير ثابته و بعد 4 ساعات بالكتير الريحه بتبدأ تختفي لكن وجوده في مجموعة العطور الخاصه بيكي هو وجود مميز و أنثوي.

مقدمة العطر : اليوسفي و الجريب فروت و الاناناس و الفراوله.
قلب العطر : اوركيد الفانيليا و التوت الاحمر و الفاوانيا و الياسمين.
قاعدة العطر : المسك و الاخشاب.

9- Avon Far Away Eau De Parfum 

Avon Far Away Eau De Parfum
Avon Far Away Eau De Parfum

مش لازم علشان نشتري عطر مناسب و قوي يكون غالي احنا نقدر بـ مبلغ بسيط جدًا نشتري عطور مميزه و مختلفه و كمان ثباتها جيد زي العطر ده من شركة إيفون الشركه المسجله في عالم العطور و هو واحد من اشهر العطور في إيڤون و عليه اقبال كبير جدًا من النساء ، منقدرش نقول انه ثابت زي اي ماركه عاليه لكن مقارنًة بسعره اللي ميتعدّاش الـ 200 جنيه مصري فـ هو ثباته رائع ، ريحته كلاسيكيه مناسبه لكل وقت لكن مناسبه اكتر لفترة الليل.

مقدمة العطر : البرتقال و الخوخ و جوز الهند.
قلب العطر : الجاردينيا و الياسمين و الورد و البنفسج.
قاعدة العطر : الفانيليا و خشب الصندل و المسك و العنبر

8- Versace Bright Crystal Eau De Toilette

Versace Bright Crystal Eau De Toilette
Versace Bright Crystal Eau De Toilette

زي ما اتفقنا مش كل العطور تنفع لكل الفصول و مش كل العطور تنفع لكل الاوقات علشان كده العطر ده من ڤيرزاتشي مناسب لفصل الصيف جدًا و كمان فصل الربيع و ان كان ثباته مش قوي اوي لكنه يتصنّف من العطور الثابته و الفوّاحه ، العبوه الخاصه به علي شكل قطعة كريستال و ده مناسب جدًا لاسم العطر.

مقدمة العطر : رائحة الماء و الرمان.
قلب العطر : الفاوانيا و اللوتس و الماجنوليا.
قاعدة العطر : المسك و العنبر.

7- YVES SAINT LAURENT Black Opium Eau de Parfum

YVES SAINT LAURENT Black Opium Eau de Parfum
YVES SAINT LAURENT Black Opium Eau de Parfum

تقريبًا ايڤ سان لوران من الماركات اللي مش من السهل تقييم اي منتج من منتجاتها تقييم سئ و عطر بلاك أوبيم كان اضافه لمنتجاتها الرائعه و المختلفه ، من شكل العبوه الخاصه بيه لازم تفهمي انه عطر قوي و مركز يعني هيكون مناسب لفصل الشتا و الخريف و صعب استخدامه في الصيف او وقت الحاجه للانتعاش ، احجامه مختلفه و طبعًا بأسعار مختلفه و رغم انتاجه عام 1977 الا انه لليوم بيعتبروه من ابرز العطور النسائيه.

مقدمة العطر : الكمثري و زهور البرتقال.
قلب العطر : حبوب القهوه و الياسمين العربي.
قاعدة العطر : الفانيليا و الباتشولي و اخشاب الارز.

6- CAROLINA HERRERA Good Girl Eau de Parfum

CAROLINA HERRERA Good Girl Eau de Parfum
CAROLINA HERRERA Good Girl Eau de Parfum

احيانًا بنحتاج عطر قوي و فوّاح يناسب المناسبات و الخروجات الخاصه اللي محتاجين نظهر فيها بجرأه اكبر و انوثه طاغيه و لو بتدوّري علي عطر يحقق كل ده فـ انتي اكيد بتدوري علي جود جيرل من كارولينا هيريرا اللي انتجته الشركه سنة 2016 و لحد النهارده هو من ألمع العطور و اقواها ، ثباته رائع لكن في عطور أقوي منه في الثبات و طبعًا شكل العبوه مبتكر و مميز و وجوده علي تسريحتك هيزيدها جمال و اناقه.

مقدمة العطر : اللوز و القهوه و البرغموت و الليمون.
قلب العطر : الفل و السوسن.
قاعدة العطر : الكاكاو و خشب الصندل و الفانيليا و حلوي اللوز و القرفه و المسك و العنبر.

5- ORIFLAME Enigma Eau De Toilette

ORIFLAME Enigma Eau De Toilette
ORIFLAME Enigma Eau De Toilette

إنيجما هو واحد من اشهر عطور اوريفليم و هو عطر شرقي تقيل و قوي هيناسبك في الشتا و اوقات الليل ، ثباته ممتاز مقارنًة بالسعر و كمان شكل العبوه رائع و مختلف و لونه جذاب ، سعره تقريبًا 300 جنيه و جودته مناسبه جدًا للسعر ده.

مقدمة العطر : الخوخ.
قلب العطر : البرتقال و الياسمين.
قاعدة العطر : الفانيليا و الباتشولي.

4- GIORGIO ARMANI Si Eau de Parfum

GIORGIO ARMANI Si Eau de Parfum
GIORGIO ARMANI Si Eau de Parfum

عطر سي من چيورچيو ارماني عطر Powdery ناعم و في نفس الوقت عطر قوي بيناسب الاذواق الهاديه الراقيه و في نفس الوقت يناسب الاذواق الجريئه القويه و كتير من النساء علي مستوي العالم بيفضّلوه لان ريحته فوّاحه و ظاهره ده غير انه ثابت جدًا و شكل العبوه الخاصه بيه رقيق و شيك.

مقدمة العطر : اوراق القرفه الصينيه.
قلب العطر : ورد الماي.
قاعدة العطر : الفانيليا و الباتشولي و الاخشاب.

3- Coco Chanel Mademoiselle Eau De Parfum

Coco Mademoiselle Eau De Parfum
Coco Mademoiselle Eau De Parfum

مش من السهل ابدًا تلاقي عطر مناسب لكل الاوقات سواء لكنه مش مستحيل و هو ده اللي قدر يحققه العطر ده من شانيل، هو عطر شرقي تقدري تعتمدي عليه الصبح كـ عطر فريش و منعش و في نفس الوقت تقدري تعتمدي عليه كـ عطر قوي و جرئ وقت المناسبات المسائيه و الطلعات الخاصه، ثباته قوي جدًا و مش سهل ريحته تختفي من لبسك.

مقدمة العطر : البرتقال و اليوسفي و البرغموت.
قلب العطر : الياسمين و الورد التركي.
قاعدة العطر : الباتشولي و الفانيليا و المسك الابيض.

2- Miss Dior Eau de Parfum

Miss Dior Eau de Parfum
Miss Dior Eau de Parfum

أنتجت شركة ديور عطور كتير بنفس الاسم زي ميس ديور شيري لكن العطر ده كان اشهرهم و خبراء العطور قيّموه كـ واحد من افضل عطور ديور و هو بيعتمد علي حس الجرأه عند النساء و بيحاول يبرز الانوثه الطاغيه للمرأه و مناسب جدًا للمناسبات المسائيه و الخروجات الخاصه، بالتأكيد ثباته عالي و بينول اعجاب كتير من الاذواق لانه رغم جرأته هو برده مش عطر تقيل و قوي.

مقدمة العطر : اليوسفي و البرتقال الأحمر.
قلب العطر : الورد الدمشقي و الياسمين المصري.
قاعدة العطر : الباتشولي.

1- LANCOME La Vie Est Belle

LANCOME La Vie Est Belle
LANCOME La Vie Est Belle

العطر ده من اشهر عطور العالم و متصنّع بهدف إحياء فكرة البساطه و الجمال الطبيعي و بيوعد بانه يدخل الفرحه علي قلب اللي تشم ريحته و ده حقيقي فعلًا، و بما ان هدفه هو البساطه فـ بالتأكيد ريحته بسيطه غير معقده و هي ريحه فروتي سويتي مختلطه بريحة الزهور كمان و بالتالي هو مناسب جدًا للصبح، بالاضافه لكل ده شكل العبوه مميز و راقي ده غير الثبات العالي للعطر ده.

مقدمة العطر : المشمش الاسود و الكمثرى.
قلب العطر : اوراق الياسمين و البرتقال.
قاعدة العطر : الباتشولي و الفانيليا و اللوز.

أفضل 10 أنواع برفان رجالي

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى
error: Content is protected !!