صحة وجمال

أفضل 10 طرق للوقايه من فيروس كورونا

” تعامَل مع أي شخص علي أنّه مصاب و تصرّف مع كل النّاس علي أنك مصاب ” هي دي القاعده اللي حطتها الصين بهدف الانتصار علي فيروس كورونا اللي بقي حديث الساعه و للأسف زي ما انتشر في دول كتير انتشر في مصر و سبّب رعب كبير لكل الناس و انقسم الناس لنصفين نصف مش قادر يستوعب فكرة الوقايه من الاصابه بالفيروس ، و النصف التاني واخد احتياطات بعضها زياده لدرجة ان مبقاش سهل نلاقي المنظفات و المطهرات بسبب هجوم الناس عليها علشان كده حبينا نقدّم لكم أفضل 10 طرق للوقايه من فيروس كورونا .

أفضل 10 طرق للوقايه من فيروس كورونا
أفضل 10 طرق للوقايه من فيروس كورونا

أفضل 10 طرق للوقايه من فيروس كورونا

الوقايه من المرض افضل بكتير من علاج المرض نفسه و بتختصر علينا طرق كتير صعبه و مشاكل كتير ممكن نعاني منها و علشان الكل خايف من فيروس كورونا فـ الكل برده بيفكر انه مش سهل يحمي نفسه من الاصابه بيه و لكن بالعكس الوقايه سهله جدًا و نقدر كلنا نوصلها عن طريق الخطوات دي :

10- عدم استخدام ادوات الغير

عدم استخدام ادوات الغير
عدم استخدام ادوات الغير

بخلاف وجود الفيروس هو مش صح استخدام ادوات شخص غيرك مهما كانت الادوات و مهما كان الشخص لكن مع انتشار الفيروس بقي الموضوع مش بس غير صحي لا كمان خطر استخدام ادوات اي شخص تاني حتي لو كان من افراد عيلتك، و ده لان ببساطه ممكن يكون هو مصاب بالفيروس -لا قدر الله- و تتنقل لك العدوي و ينتشر المرض بشكل اكبر علشان كده التزم باستخدام ادواتك الشخصيه فقط و تعقيمها باستمرار حفاظًا علي صحتك و صحة غيرك.

9- الزم منزلك عند الشعور بالتعب

الزم منزلك عند الشعور بالتعب
الزم منزلك عند الشعور بالتعب

فيروس كورونا هو في النهايه شكل من اشكال الانفلونزا و اعراضه مشابهه جدًا الانفلونزا العاديه اللي دايمًا بنكون معرّضين ليها في فصل الشتا بالتحديد و الاعراض دي زي ارتفاع شديد في درجة الحراره و الام في الجسم و صداع قوي و هكذا، علشان كده لما تحس بأي من الاعراض دي متخرجش من بيتك اطلاقًا و فورًا الجأ للكشف و اجراء التحاليل و الفحوصات للاطمئنان علي نفسك و تحديد اذا كانت دي انفلونزا عاديه او فيروس كورونا و في كل الحالات افضل في بيتك و متخرجش.

8- تجنب لمس الأسطح و المقابض

تجنب لمس الأسطح و المقابض
تجنب لمس الأسطح و المقابض

علشان نحمي نفسنا ضروري نتجنب لمس اي سطح بره البيت بايدينا مباشرًة و الأفضل نستخدم منديل و بعدين نتخلص منه و نرميه، حتي لو هتفتح باب عربيتك او هتستخدم الاسانسير نصيحتنا ليك تستعين بمنديل او تحافظ علي لبس جوانتي مع مراعاة طبعًا انك متلمسش وشك بيه بعد كده ، و لو اضطريت للمس اي حاجه بايدك بشكل مباشر بدون عازل يبقي ضروري غسل ايدك فورًا بالماء و الصابون لمدة 30 ثانيه.

7- استخدام الكمامات

استخدام الكمامات
استخدام الكمامات

برغم انتشار المرض و الاجازات اللي اتفرضت علي فئات معينه من المصريين الا ان في كتير من الناس ظروف شغلهم و حياتهم اليوميه بتفرض عليهم الخروج من البيت و احيانًا كمان التواجد وسط تجمعات و هنا ييجي دور الكمامات الرئيسي لحماية نفسنا و كمان حماية غيرنا، ضروري نلبس كمامه و نتأكد انها مغطيه منطقة الأنف و الفم تمامًا لان فيروس كورونا بيتنقل عن طريق Actions لها علاقه بالجهاز التنفسي زي العطس و الكحه و حتي النفس في حد ذاته كارثه.

6- تجنب لمس الوجه

تجنب لمس الوجه
تجنب لمس الوجه

لان مهما غسلنا ايدينا بمنظفات و عقمناها هتفضل برده مش نضيفه 100% لازم نكون حريصين و بشكل كبير ان ايدينا متلمسش وشنا غير و هي مغسوله كويس و متعقمه بالكحول و كمان ياريت نمنع السلام بالايد وقايه لينا و كمان لغيرنا لان الاكيد ان محدش هيغسل ايده مجرد ما يسلّم علي غيره و من السهل ينسي و يلمس وشه لأي سبب من الأسباب و احتمال نكون احنا او غيرنا مصابين بالمرض و بالتالي تبقي نسبة انتشار المرض زادت.

5- ضرورة تعقيم الموبايل

ضرورة تعقيم الموبايل
ضرورة تعقيم الموبايل

احنا عارفين ان الموبايل من الاسطح اللي تقريبًا مبتفارقناش و علشان كده مش منطقي ابدًا تهتم بغسل ايدك باستمرار و بشكل صح و بعد كده ترجع تمسك نفس الموبايل اللي مسكته بايدك قبل ما تغسلها ! يبقي ضروري جدًا تعقيم الموبايل و مسحه باستخدام قطنه مبلله بالكحول تركيز 70% علشان نضمن لمس موبايل نضيف تمامًا خالي من اي ميكروبات بعد ما نغسل ايدينا و نعقّمها برده باستخدام الكحول.

4- تعقيم الأسطح والايدين

تعقيم الأسطح والايدين
تعقيم الأسطح والايدين

منظمة الصحه العالميه معترفتش مطلقًا بالديتول كـ مطهّر و بالعكس شركة ديتول دفعت غرامات كتير قبل كده بسبب اكتشاف انها بتنتج صابون عادي ملوش اي تأثير علي البكتيريا بل بالعكس بيقتل البكتيريا النافعه اللي الجلد محتاجها، علشان كده مش صح تستخدم ديتول في تعقيم ايدك او الاسطح في بيتك و الصح هو استخدام الكحول لتعقيم الايدين و ضروري يكون بتركيز 70% فيما فوق لان اقل من 70% للاسف مبيقدرش يتخلص من البكتيريا و علشان نطهر بيوتنا الصح نستخدم كلور مخفف و نمسح بيه الأسطح و مقابض الابواب و خلافه.

3- غسل الايدين باستمرار

غسل الايدين باستمرار
غسل الايدين باستمرار

غسل الايدين مهم و ده عارفينه من زمان لكن غسلها باستمرار خلال اليوم و بالطريقه الصح هي دي الفكره و طريقة غسل الايدين الصحيحه هي غسلها بالماء و الصابون السائل لمدة 40 ثانيه و ضروري يكون الصابون سائل مش عادي علشان نتفادي تراكم أي بكتيريا عليه و كمان مهم جدًا ان المياه تتخلل بين الصوابع و توصل لكل ثنايا الايدين ، و لو انتي ضوافرك طويله لازم تهتمي بغسلها كويس جدًا و انتي بتغسلي ايدك بالاضافه كمان لضرورة قفل و فتح الحنفيه باستخدام مناديل و رميها بعد كده علشان نتفادي لمسها بعد غسل الايدين و تلويثهم من تاني حتي لو كنت بتغسل ايديك جوه بيتك.

2- تجنب التجمعات والاختلاط

تجنب التجمعات والاختلاط
تجنب التجمعات والاختلاط

وجودك وسط تجمعات كبيره زي المولات و محطات المترو و الجامعات و غيرهم من اي تجمعات للأسف غير صحي بالمره لان احتمال وارد و كبير يكون حواليك شخص واحد علي الاقل مصاب بالمرض و هو نفسه ميعرفش او انت تكون مصاب و برده متعرفش و الاحتكاك المباشر مع غيرك هينقلّك او هينقلّه المرض، فـ وجودك في البيت مع مراعاة احتياطات معينه برده تحمي بيها نفسك ده هيشكّل وقايه كبيره ليك و كمان لغيرك و لبلدك بالكامل و هيقلل نسبة المصابين و هنقدر نحجّم انتشار الفيروس و نقضي عليه.

1- تقوية المناعة

تقوية المناعة
تقوية المناعة

أقوي سلاح دفاع ضد الكورونا هو تقوية الجهاز المناعي لجسمك و ده عن طريق اكل الفواكه و الخضروات بصوره كبيره خاصًة البرتقال و الليمون و الفلفل و اي فاكهه او خضار فيهم فيتامين سي هيساعدوا جدًا في تقوية المناعه و مش بس كده، كمان فوار فيتامين سي فعّال في تعزيز مناعة الجسم و بالتالي محاربة الفيروسات و مش بس محاربة الفيروس و وقاية نفسك منه لأ كمان التخلص منه لو -لا قدر الله- اتمكن منّك ، علشان كده للأسف كبار السن هما الاكتر عرضه للاصابه بالفيروس ده و هنا ييجي دورنا في رعايتهم و توعيتهم لأمور كتير مش هيستوعبوها لوحدهم.

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى
error: Content is protected !!