محتوي المقالة
أفضل 10 علاجات لحب الشباب . مش كل الناس هتبقي متخيله ان حب الشباب بيهد ثقة صاحبه سواء ولد او بنت و كتير بيشوف الموضوع بسيط الا اللي بيعاني من المشكله نفسها و هي فعلًا مشكله كبيرَه و بتأثر بالسلب علي الحاله النفسيه للشخص و بتوصله احيانًا للدخول في حالة اكتئاب و عزله شديده، و الحقيقه انه ساعات بتوصل المشكله لمرحله صعبه جدًا علاجها مش بيكون سهل لكن في النهايه هيفضل العلاج موجود سواء كان عن طريق اشراف طبي او منتجات تستخدمينها بنفسك بدون وصفه طبيه ، هنتكلم عن أفضل 10 علاجات لحب الشباب باختلاف كل حاله.
افضل علاج لحب شباب
مشكلة حب الشباب بتبدأ تظهر في سن البلوغ و تغير الهرمونات في الجسم سواء عند الولد او البنت و ساعات بتوصل لمرحله صعبه جدًا علاجها مينفعش يكون بس بالمستحضرات الموضعيه لكن محتاج مضاد حيوي عن طريق الفم تحت اشراف طبي، و في كل الاحوال انت كشخص بيعاني من حب الشباب لازم تبقي فاهم كويس جدًا انه أسلوب حياتك و النظام الغذائي الخاص بيك له تأثير كبير في حل او تضخم المشكله و ده لان في اكلات كتير جدًا بتساهم في ظهور حب الشباب بصوره كبيره زي :
- منتجات الالبان
- المكسرات
- الوجبات السريعه
- الطماطم
- الشيبسي و مشتقاته
- المقليات
- الدهون
- السكريات
- المخللات
- الشوكولاته
- الفراوله
- المانجا
أسباب ظهور حب الشباب
كمان في عادات كتير بنعملها بتتسبب في ظهور حب الشباب و ممكن جدًا لو بطّلناها نتفاجئ ان المشكله اتحلّت بدون اي علاج موضعي او تدخل طبي، و العادات دي زي :
- عدم تغيير كيس المخده و قد يبدو ان ده سبب تافه جدًا للبعض الا انه مهم و مؤثر بسبب ان كيس المخده ده بيتراكم عليه زيوت من شعرنا و كمان بكتيريا فـ ضروري جدًا نغيره مرتين لـ 3 في الاسبوع.
- كمان كتير مننا بيلمس وشه بشكل مفرط و ده بينقل البكتيريا في الوش و بيضخّم المشكله و يتسبب في ظهور حبوب حتي لو كانت مش موجوده قبل كده.
- عدم اتباع روتين مخصص للعنايه بالبشره كمان من أهم الاسباب دي او اتباع روتين غير مناسب لنوع بشرتك.
- النوم بالمكياج و عدم الاهتمام بازالته من اخطر و اقوي الاسباب لظهور حب الشباب بشكل صعب و مبالغ فيه كمان علشان كده اتكلمنا في الموضوع اللي فات عن أفضل 10 مزيلات مكياج.
علاجات لحب الشباب
10- سيرم ڤيردكس سايبو كلير / Verdex Sypo Clear Serum
في الواقع هو اسمه سيرم لكنه كريم عادي و اتوقع التسميه دي راجعه لان قوامه خفيف و هو فعلًا كريم خفيف و بيضم في مكوناته مجموعه رائعه من الاحماض المقشره للجلد و اللي بتخفف جدًا من الحبوب و اثارها زي حمض السالسيليك و حمض الماندليك و حمض الازيليك و الستريك و الجليكوليك و كمان بيحتوي علي زيوت مطهره زي زيت شجرة الشاي و اللافندر و علي الرغم من قوة مكوناته الا ان الكريم خفيف علي الجلد و مناسب للبشره الحساسه و برده هو بطئ في تأثيره و فاعليته لكنه جيد، و متوفر في الصيدليات.
يبلغ سعره حوالي 240 جنيه مصري
9- ديفرين چل / Diffren Gel
تقريبًا كل دكاترة الجلديه في الخليج بينصحوا باستخدام الجل ده و هو بالفعل من المكونات القويه و الفعاله جدًا في فهي افضل علاج لحب شباب و تقشير الجلد بصفه عامه و متوفر منه نفس المنتج في صورة كريم و كمان جل و طبعًا الجل هو الاقوي من حيث الفاعليه و الاعراض الجانبيه علشان كده بينصح باستخدام الكريم في الاول كـ تمهيد للبشره، مشكلته انه للاسف غير متوفر في مصر اطلاقًا لكن سعره رخيص في دول الخليج مش غالي و الافضل تستشيري طبيب و طبعًا ممنوع للحامل و المرضع لانه من مشتقات Vitamin A.
يبلغ سعره حوالي 20 جنيه مصري.
8- فيوسيدين كريم / Fucidin Cream
كريم فيوسيدين مضاد حيوي تقدري تستخدميه بأمان تام بشكل موضعي علي الحبوب الملتهبه لمدة 3 أيام فقط و توقفيه و يعتبر من اشهر و ارخص العلاجات الموضعيه لحب الشباب الملتهب و كمان هو متوفر في كل الدول العربيه بما فيهم مصر و الخليج، و ضرورة استخدامه لمدة 3 أيام فقط تفاديًا لان بشرتك تتعود عليه و تفقد قدرتها علي ترميم نفسها بعد كده.
يبلغ سعره حوالي 22 جنيه مصري.
7- ستارڤيل اكني كريم / Starville Acne Cream
ستارفيل من الماركات المصريه اللي اتشهرت في فتره قصيره و الكريم ده مخصص للحبوب و اهم اللي بيميزه انه بيتكون من حمض الساليسيليك و فيتامين E و فيتامين A و كمان زيت شجرة الشاي و خلاصة الصبار و هو من المنتجات الفعّاله بشكل كبير في فهو افضل علاج لحب شباب خاصًة الملتهبه منها عن طريق وضع طبقه رقيقه منه علي الحبايه ، سعره رخيص و متوفر في كل الصيدليات في مصر و تقدري تستخدميه مرتين في اليوم.
يبلغ سعره حوالي 60 جنيه مصري.
6- محلول كلينداسول / Clindasol Lotion
محلول كلينداسول أفضل لوسيون لعلاج حب الشباب لان سعره رخيص جدًا و مناسب لكل الفئات ده غير انه حقيقي فعّال في انه ينشف الحبوب و يقضي عليها مع الاستمرار لكن هو مضاد حيوي برده فـ الصح انك تستخدميه 3 ايام فقط علي الحبوب و بعدين توقفيه ، مشكلته انُّه بيلسع شويه في الجلد فـ الافضل تستخدميه بالليل قبل النوم.
يبلغ سعره حوالي 12 جنيه مصري.
5- لاروش بوزاي ايفاكلار دو + / La Roche Posay Effaclar Duo
كريم لاروش بوزاي ايفاكلار دو بلس افضل علاج لحب شباب ومخصص للحد من الافرازات الدهنيه في البشره و كمان بتساعد في تقشير الجلد و منع تكون اثار للحبوب ، بيستخدم كمان علي البشره بالكامل مش بس موضعيًا علي الحبوب و بيحتوي علي مجموعه ضخمه من المواد الفعاله و المؤثره فعلًا في حل المشاكل دي زي Zinc PCA و المعروف بقدرته علي تقليل افرازات الدهون و LHA و Salisilic Acid لتقشير خلايا الجلد الميته و كمان مادة PROCERAD™ و دي ماده مسجله للتقليل من التصبغات و الحد من ظهورها، و كمان احيانًا بيسبب تحسس عند بعض الناس.
يبلغ سعره حوالي 554 جنيه مصري.
4- محلول اكني بيوتيك / Acne Biotic Lotion
يعتبر واحد من أفضل لوسيون لعلاج حب الشباب و اللي سعرها رخيص كمان لكنه مخصص للحبوب النشطه او اللي جواها صديد فقط ، بيحتوي علي اكسيد الزنك بتركيز 12% و كمان الاريثرومايسين بتركيز 4% و ضروري استخدامه موضعيًا علي الحبوب فقط ، مشكلته انه بيسبب احساس مؤقت بالحرقان لكنه مش بيسبب التهابات في الجلد اذا استخدم بالشكل الصح متوفر في الصيدليات.
يبلغ سعره حوالي 20 جنيه مصري.
3- اكنيروكسيد چل / Akneroxid Gel
من افضل علاج لحب شباب رغم ان سعره رخيص جدًا حوالي 15 جنيه مصري و هو بيحتوي علي مكون اسمه بينزويل بيروكسيد بتركيز 5% و ده مكون قوي و فعال في علاج حب الشباب النشط و الرؤوس السوده ، الجل ده بيستخدم بشكل موضعي علي الحبوب النشطه و الرؤوس السوداء و البيضاء مع ضرورة استخدام واقي شمس الصبح و كمان مينفعش تستخدميه علي اي اماكن ملتهبه او جروح، بيستخدم لعلاج حب الشباب الخفيف او المتوسط و احيانًا بيدخل ضمن روتين كامل لعلاج حب الشباب الشديد.
يبلغ سعره حوالي 4.25 جنيه مصري.
2- اكرتين كريم / Acretin Cream
من أفضل 10 علاجات لحب الشباب كريم اكرتين مكون من مادة تريتينوين المشتقه من Vitamin A و هو كريم قوي جدًا للاسف مش كل البشرات تقدر تتحمله لكن برده هو من اكتر الكريمات فاعليه و موجود بتركيزين 0.025% و 0.05% و هو مش بس كريم للحبوب لكن تقدري تعملي بيه تقشير كامل للوجه مع مراعاة انك تعملي اختبار حساسيه قبل استخدامه و كمان تستخدميه بشكل تدريجي و بالتأكيد لو حامل او مرضع بلاش منه لانه بيسبب تشوهات اجنه -لا قدر الله- ، ميزته ان سعره رخيص حوالي 30 جنيه و متوفر في الوطن العربي بالكامل و يفضل استخدامه تحت اشراف طبي.
يبلغ سعر كريم أكرتين بتركيز 0.05% للـ 30 جرام حوالي 10 جنية مصري.
1- ايزوتريتينوين / Isotritinoin
من أفضل 10 علاجات لحب الشباب الايزوتريتينوين او النت لوك او الريتين إي او الرواكوتان دي كلها مسميَات لعلاج الهدف منه واحد و هو علاج حب الشباب الشديد او المتوسط و ده علاج مشتق من Vitamin A مينفعش استخدامه بدون اشراف طبي و ده بسبب الاعراض الجانبيه له و اللي بتبقي علي هيئة تشوهات أجنه اذا كنتي حامل او مقبله علي زواج و احيانًا اكتئاب و مشاكل في الكلي و الكبد بالاضافه لجفاف شديد في الجلد ، طبعًا هو علاج فعال جدًا معروف علي مستوي العالم بيتحدد بجرعه معينه و تركيزات معينه و كمان لفتره معينه بناءًا علي وزن و حالة و تحاليل خاصه بالمريض.
يبلغ سعره حوالي 75 جنيه مصري.
