أفضل 10 أنواع كريم اساس للبشرة الدهنية

كتير مننا دلوقتي مهتم جدًا بالميك اب و العنايه البشره و اول حاجه بنهتم بجودتها هي كريم الأساس ( الفاونديشن ) لان من اسمه هو فعلًا الاساس اللي بيتبني عليه باقي المكياچ و كتير من البنات للأسف بتختار كريم الاساس بطريقه عشوائيهسواء كان نوعه او درجته و ده مش صح اطلاقًا لان في عوامل كتير المفروض تختاري علي أساسها الأنسب لك و لو اختارتي كريم الاساس الغلط مش بس هيكون الميك اب شكله وحش كمان انتي ممكن تضري بشرتك و انتي مش فاهمه ،و في الموضوع ده هرشحلكم أفضل 10 أنواع كريم اساس للبشرة الدهنية. .

افضل كريم اساس للبشرة الدهنية

الفاونديشن خطوه لا غني عنها في المناسبات لـ تغطية عيوب البشره و توحيد لونها و اختياره بيعتمد علي عوامل كتير زي ما قولنا و العوامل دي هي ميزانيتك اولًا يعني المكياچ بشكل عام بينقسم لـ Drug Store و High End الـ Drug Store بيكون اسعار مناسبه بجوده متوسطه، و الـ High End بيكون جوده عاليه برده بأسعار عاليه

و في كل الاحوال الاتنين خضعوا لاختبارات جلديه و اتصنعوا بمعايير مناسبه تحت رقابه و اختيارك لأي فئه منهم معتمد علي ميزانيتك فقط، كمان اختيار كريم الاساس معتمد علي الأندرتون الخاص بيكي و لو لسه متعرفيش ايه هو الأندرتون فـ انا هقولك الأندرتون ده بتعرفي من لون عروقك اللي باينه من الجلد لو لونها أزرق فـ انتي أندرتون باردو الصح تختاري فاونديشن اساسه Pink، و لو عروقك لونها أخضر فـ انتي اندرتون دافي و الصح تختاري فاونديشن اساسه Yellow

و لو مش قادره تميزي لون العروض من الاخضر للأزرق فـ انتي أندرتون محايد و تقدري تستخدمي اي فاونديشن بأي أندرتون كمان لون الفاونديشن اهم نقطه و الصح طبعًا يكون لون بشرتك بالظبط مش افتح و مش اغمق.

اختيار درجة كريم الاساس الصحيحة

لحد دلوقتي بنات كتير جدًا مش بيقدروا يختاروا الدرجه المناسبه ليهم من كريم الأساس و كمان كتير بيشتروا كريم اساس لونه افتح من لون بشرتهم الطبيعي، وده ابدًا عمره ما كان صح و لا هيخليكي شكلك أحلي بالعكس هيخلي الميك اب شكله وحش و مجيّر و Cakey

ولا حتي صح تختاري الدرجه اغمق منك لكن تقدري تختاري الدرجة اغمق من لونك درجه واحده بس هتكون طبيعيه و الأصح هو اختيار الدرجه نفس لونك بالظبط و ده مش هيحصل لو جربتي الفاونديشن علي إيدك !

الفاونديشن لازم تجربيه علي بشرتك عشان تقدري تحددي اذا كانت الدرجه مناسبه او لأ و انصحك تجربيه علي عضمة الفك و تستني شويه عشان تشوفي لو هيأكسد ( لونه هيغمق مع التعرض للهواء )

لو حصل هتضطري تشتري درجه افتح منك علشان لما تأكسد تبقي لونك و كمان نصيحتي ليكي هي انك تختاري الفاونديشن في اضاءه طبيعيه لان الاضاءه العاليه كتير بتخدعنا و بعدين نكتشف ان الدرجه مش مناسبه لينا.

أفضل 10 أنواع كريم اساس للبشرة الدهنية

علشان تختاري كريم اساس مناسب لبشرتك الدهنيه لازم تراعي حاجات كتير زي انه يكون Matte Finish او شكله علي البشره مطفي و كمان يكون Oil Free مفيهوش زيوت لان بشرتك مش محتاجه زيوت و كمان علشان ميسدش مسام بشرتك و تظهر حبوب و مشاكل انتي في غني عنها و لو عاوزه ترشيحات أفضل 10 أنواع كريم اساس للبشرة الدهنية تابعي معنا:

10- ايسنس سوفت تاتش موس فاونديشن / Essence Soft Touch Mousse Foundation

• الموس عمومًا صديق للبشره الدهنيه و بيكون عباره عن فاونديشن و باودر في تركيبه واحده فـ يبان علي البشره بشكل مطفي حيث يعتبر افضل كريم اساس للبشرة الدهنية واسعارها في متناول الكل.
• و كمان متحتاجيش تستخدمي بعده باودر ، النوع ده من ايسنس ميزته انه خفيف جدًا علي البشره و بيبان طبيعي جدًا
• و مناسب للاستخدام اليومي لكن للاسف تغطيته خفيفه جداً محتاجه بشره خاليه من العيوب و كمان درجاته محدوده جدًا مش هتناسب كل الوان البشره بس كريم اساس رخيص وحلو للبشره الدهنية و هيناسب الكل.

السعر: 137 جنيه مصري.

---

9- ان واي اكس توتال كونترول دروبس / Nyx Total Control Drops

• فاونديشن قوي جدًا عباره عن قطّاره تقدري تتحكمي في تغطيته علي حسب عدد القطرات المستخدمه
• و قوامه سائل و تغطيته متوسطه و تقدري تبنيها بكل سهوله يعني تزيدي طبقات من الفاونديشن بدون ما يكون مظهره وحش
• عيبه ان حجمه صغير و سعره عالي الي حد ما و مش متوفر بسهوله لكن متاح منه درجات كتير.

السعر: 390 جنيه مصري.

---

8- لوريال انفالبل پرو مات / l’Oréal Infallible Pro Matte

• فاونديشن لوريال انفالبل خالي من الزيوت و اللوك النهائي له مطفي تمامًا و شكله Powdery بمعني انه مش شرط تثبتيه بباودر خالص و ممكن تكتفي بيه ويعد افضل كريم اساس للبشرة الدهنية واسعارها في متناول الجميع.
• قوامه متوسط لكن انصحك باستخدامه في المناسبات فقط كما كريم اساس رخيص وحلو للبشره الدهنية وافضل طريقه لدمجه هي توزيعه بفرشاه و بعدين دمجه ببيوتي بليندر مندّيه.

السعر: 179 جنيه مصري.

---

7- ميبلين سوبر استاي 24 ساعه / Maybelline Super Stay 24hr

• ده فاونديشن تاني من ميبلين مختلف عن فيت مي في كل حاجه لانه تغطيه عاليه و شكله علي البشره مطفي
• بالاضافه لانه تقيل علي البشره فـ مش هتقدري تستخدميه غير في مناسبات فقط
• و للأسف هو بيأكسد يعني بعد شويه هتلاقي لونه علي وشك اغمق فـ نصيحتي ليكي تشتري درجه افتح علشان لما يتأكسد يناسبك.
• هو فاونديشن كويس جدًا للمناسبات و سعره كمان مش غالي لكن للاسف درجاته محدوده.

السعر: 250 جنيه مصري.

---

6- ويت ان وايلد فوتو فوكس / Wet N Wild Photo Focus

• لاين فوتو فوكس من ويت ان وايلد اتعمل مخصوص علشان يناسب التصوير فـ يظهر شكل البشره في الصوره ناعم ولذلك فهو افضل كريم اساس للبشرة الدهنية واسعارها في متناول الكل.
• و في نفس الوقت ميعملش فلاش باك فـ تبان البشره افتح من لونها ، الفاونديشن ده كمان رأيي انه مناسب لكل انواع البشره
• لانه مش مطفي اوي و لا بيلمع اوي و كمان قوامه خفيف جدًا علي البشره و تغطيته متوسطه ، مش متاح للأسف غير اونلاين.

السعر: 239 جنيه مصري.

---

5- ميبلين فيت مي مات + پورليس / Maybelline Fit Me Matte + Poreless

• فاونديشن ميبلين قوامه خفيف جدًا علي البشره و تغطيته من خفيفه لمتوسطه و اللي بيميزه انه بينعّم شكل المسام فعلًا و مش بيظهرها اكتر
• كمان شكله النهائي علي البشره مطفي مفيهوش اي لمعه لكن في نفس الوقت شكله طبيعي مش مزعج
• و تقدري تستخدميه الصبح لانه خفيف و كمان تعليبه ممتاز كما ان كريم الاساس رخيص وحلو للبشره الدهنية وعيبه انه برده للاسف في مصر اونلاين فقط.

السعر : 170 جنيه مصري.

---

4- فاونديشن كاتريس اتش دي ليكويد / Catrice Hd Liquid Coverage

• فاونديشن عباره عن قطّاره تقدري تتحكمي في تغطيته بعدد النقط المستخدمه علي البشره. لذلك فهو افضل كريم اساس للبشرة الدهنية واسعارها في متناول الكل.
• الميزه فيه ان قوامه خفيف و احساسه كمان خفيف علي البشره مش بتحسي بطبقه علي وشك
• مشكلته انه بيأكسد و متاح منه 4 درجات فقط !

السعر : 270 جنيه مصري.

---

3- فاونديشن بورچوا اير مات / Bourjois Air Matte Foundation

• فاونديشن بورچوا تغطيته عاليه بيقدر يخفي عيوب البشره بشكل لطيف جدًا و درجاته متنوعه
• رغم ان المتاح منها في مصر محدود لكن بشكل عام هو درجاته كتير ، شكله النهائي مطفي تمامًا
• و كتير بيعتبر دي ميزه و كتير بيعتبرها عيب بس بشكل عام هي ميزه لاصحاب البشره الدهنيه
• له ريحه مش لطيفه لكن بتختفي مع الدمج

السعر : 280 جنيه مصري.

---

تعرفي على:- أفضل أنواع الفاونديشن للبشرة الدهنية واسعارها

2- لوريال ترو ماتش سوبر بليندبل / L’Oréal True Match Super Blendable

• عندي قناعه ناتجه عن تجربه شخصيه و هي ان الفاونديشن ده مناسب لجميع انواع البشره. سواء دهنيه او مختلطه او جافه
• و ده لانه مش مطفي و كمان مش بيلمع و مش بينشف البشره اطلاقًا و شكله علي البشره طبيعي جدًا
• تغطيته متوسطه لكن تقدري تبنيها بمعني انك تقدري توزعي طبقه زياده علي بشرتك علشان التغطيه تعلي
• فيه Spf18 و ده يخليه مناسب للصبح مع استخدام صن بلوك طبعًا. و كمان ممكن تستخدميه في مناسبات لانه مش بيعمل فلاش باك
• درجاته كتير ، مشكلته انه تعليبه مش عملي و كمان مش متاح في مصر غير اونلاين.

السعر: 320 جنيه مصري.

---

1- ميلاني كونسيل + پيرفكت / Milani Conceal + Perfect 2 in 1

• فاونديشن ميلاني يعتبر من افضل فاونديشنز البشره الدهنيه من الـ Drug Store
• رغم ان المظهر النهائي ليه مش مطفي تمامًا لكنه برده مش لامع
• لكن بيتميز بانه مقاوم للماء و التعرق و تقدري تستغني بيه عن الكونسيلر كمان
• يعني ممكن تستخدميه علي الوش كامل حتي منطقة تحت العين
• متاح منه 45 درجه بدايه من البشرات الفاتحه جدًا لغاية البشرات الحنطيه
• كمان تغطيته كامله هيقدر يغطي كل العيوب في بشرتك
• عيبه انه مش متاح في مصر غير اونلاين و كمان مش مناسب للاستخدام اليومي او النهاري.

السعر: 10 دولار.

---

أفضل 10 أنواع الفاونديشن للبشرة الدهنية واسعارها