أفضل 10 أنواع كونسيلر فل كفر

أفضل 10 أنواع كونسيلر فل كفر

  • 1 نوفمبر 2023
  • admin

أفضل 10 أنواع كونسيلر فل كفر، اسوأ حاجه بتواجهها اي بنت هي انها تبص في المرايه و تلاقي عينيها شبه عيون الباندا حواليها اسود و للاسف علاج الهالات السوده صعب جداً خاصةً لو وراثيه ، و لان اغلبنا ان مكنش كلنا بقي يلجأ لاستخدام خافي عيوب كونسيلر علشان يداري الهالات اللي مش من السهل علاجها فـ كتير برده مننا بيقع في غلطات كتير تخلي شكل عينه اسوأ بالميك اب مش احسن ، علشان كده في المقاله دي هنتكلم عن أفضل 10 أنواع كونسيلر فل كفر و كمان هقولكم علي تريكات تخلي شكل عينيكي احلي و حتي لو هالاتك قويه هتقدري تداريها بشكل احترافي و حلو.

ميلاني كونسيلر + بيرفكت لونج وير كونسيلر / Milani Conceal + Perfect Longwear Concealer

أفضل كونسيلر فل كفر و اللي مميزاته كتير اوي. كما انه تغطيته عاليه و درجاته كتير جدًا و دي ميزه مهمه. كمان ثباته عالي فـ مناسب اوي للاستخدام في المناسبات و لو بتعرقي كتير. كمان شكل العبوه بتاعته كمان شيك اوي و قيمه. عيبه انه مش مناسب للاستخدام اليومي لانه تقيل وكمان مش متوفر غير اونلاين فقط لكن مميزاته كتيره.

يبلغ سعره حوالي 385 جنيه مصري.

0
أعجبني
0
ريڤلوشن كونسيل & ديفاين كونسيلر / Revolution Conceal & Define Concealer

أفضل كونسيلر فل كفر حيث ان ريڤلوشن من الماركات القويه جدًا في عالم الميك اب. و اللي اثبتت وجودها و مكانتها في فتره بسيطه من ظهورها. و خافي عيوب كونسيلر مميزاته كتير اوي زي تغطيته العاليه. هو طبعًا ميقدرش يخفي الهالات 100%. لكنه بيخفيها بنسبه كبيره و ميزته القويه انه سهل تلاقي درجتك فيه لان درجاته كتير. ثباته عالي جدًا و بالتأكيد مينفعش ابدًا للاستخدام بشكل يومي علشان تتفادي اي مشاكل ممكن يسببهالك. تقدري تستخدميه كمان لو انتي بروفيشنال ميك اب ارتست.

يبلغ سعره حوالي 324 جنيه مصري.

0
أعجبني
0
لوريال انفالبل مور ذان كونسيلر / L’Oreal Infallible More Than Concealer

أفضل كونسيلر فل كفر حيث يعتبر الكونسيلر اللي اتقارن بكونسيلرز من ماركات عاليه كتير. وكان فعلًا باختلاف السعر بينهم يستحق يدخل المقارنه سعره يمكن عالي شويه لكن يستحق السعر ده لان منه درجات كتير هتناسب الوان بشره كتير بالاضافه لان تغطيته ما بين المتوسطه و العاليه، ممكن بيدخل في الخطوط شويه للاسف و ده عيبه لكن نقدر نسيطر علي المشكله دي بالباودر و كمان بيميزه ثباته.

يبلغ سعره حوالي 344 جنيه مصري.

0
أعجبني
0
كاتريس ليكويد كاموفلاج كونسيلر / Catrice Liquid Camouflage Concealer
كونسيلر كاتريس فعلًا يستحق يكون من افضل خافي عيوب كونسيلر علي الاطلاق و ده لانه تغطيته ما بين المتوسطه و العاليه و كمان هو مضاد للتعرق و المياه و ده بيخليه ثابت جدًا تحت العين و مناسب اوي للبنات اللي جفن عينيها دهني، لكن مشكلته انه مش مناسب للاستخدام اليومي لانه تقيل و هيسبب ارهاق لمنطقة حوالين العين مع الاستخدام الكتير، الحلو فيه كمان انه مش بيبرز الخطوط و تقدري تسيطري علي المشكله دي بتثبيته بالباودر بالطريقه اللي وضحتها فوق و للاسف مش متوفر منه غير 4 درجات كلها للبشره الفاتحه.

يبلغ سعره حوالي 275 جنيه مصري.

0
أعجبني
0
بورجوا راديانس ريفيل كونسيلر / Bourjois Radiance Reveal Concealer

كونسيلر بورجوا راديانس ريفيل بيوعد بترطيب محيط العين و في نفس الوقت يصحح لون الهالات السودا بالاضافه لانه يدّي لمعه و ضي للمنطقه دي و بالفعل هو بيعمل اللي بيوعد بيه و بالتالي هو مناسب جدًا للبنات اللي محيط العين عندها جاف جدًا لانه هيديّيها ترطيب ممتاز و فس نفس الوقت تغطيه لكن تغطيه متوسطه مش عاليه، كما هو متوفر في مصر و للاسف درجاته مش كتيره لكن فعلًا من افضل خافي عيوب كونسيلر.

يبلغ سعره حوالي 220 جنيه مصري.

0
أعجبني
0
ويت ان وايلد فوتو فوكس كونسيلر / Wet n Wild PhotoFocus Concealer

من افضل كونسيلر دراج ستور حيث ان ويت ان وايلد تفوقت علي نفسها جدًا في خط انتاج فوتو فوكس لانه خط بيوعدك بتصوير احترافي بدون ما يعمل فلاش باك و هو فعلًا كده بس الحقيقه انه اصلًا خافي عيوب كونسيلر مش صح تستخدميه في ميك اب تقيل او مناسبات لانه خفيف جدًا من ناحية التغطيه او الملمس نفسه و مناسب اكتر للاستخدام اليومي او الصباحي، ميزته كمان انه مش بيدخل في الخطوط ابدًا تحت العين و يبرزها اكتر .

يبلغ سعره حوالي 145 جنيه مصري.

0
أعجبني
0
لاجيرل برو كونسيل HD كونسيلر / L.A. Girl Pro Conceal HD Concealer

رغم شهرة الكونسيلر ده الا انه مش افضل كونسيلر ابدًا، مع ان درجاته كتيره جدًا و تناسب من افتح لون بشره لاغمق لون بشره لكنه له عيوب زي ان تغطيته من خفيفه لـ متوسطه رغم ان ناس كتير قالت تغطيته عاليه و ده خيّب توقعات ناس كتير، غير كده كمان هو يعتبر اكتر خافي عيوب كونسيلر بيظهر الخطوط بشكل كبير و بيجفف تحت العين، لكن نقدر نعدّيله عيوب كتير لانه رخيص و تغطيته المتوسطه تناسب ناس كتير كمان هو SweatProof بمعني انه مش هيتمسح او هيكتّل لو عرقتي او لو جفن عينك دهني و دي حاجه مهمه.

يبلغ سعره حوالي 153 جنيه مصري.

0
أعجبني
0
مايبيلين فيت مي كونسيلر / Maybelline Fit Me Concealer

واحد من افضل كونسيلر دراج ستور اللي اتشهرت و كتير من الناس بتفضّله و هو فعلًا خافي عيوب كونسيلر لطيف للاستخدام اليومي و السريع لان تغطيته خفيفه و احساسه كمان تحت العين خفيف و مش بيدخل في الخطوط لكن درجاته المتوفره في مصر مش كتيره و ده يخليه مناسب اكتر للبشرات الفاتحه او القمحيه الفاتحه، كمان هو تغطيته خفيفه فـ مش هيناسب البنات اللي عندها هالات سوده قويه،

يبلغ سعره حوالي 215 جنيه مصري.

0
أعجبني
0
مايبيلين ايدچ روايند كونسيلر / Maybelline Instant Age Rewind Concealer

يعد من افضل كونسيلر دراج ستور حيث انه كونسيلر اخد ضجه كبيره جدًا علي مستوي العالم و قالوا انه بيخفي الخطوط و الهالات تمامًا و كمان بيعالجها و الحقيقه انه و عن تجربه شخصيه ميستحقش الضجه دي ابدًا لانه بيدخل في الخطوط تحت العين جدًا و بيبيّن الشكل كأنك كبيره في السن و عندك تجاعيد، رغم كده هو تغطيته ما بين المتوسطه و العاليه و درجاته متنوعه رغم انها مش كتيره و انصحك بيه بس لو مش عندك خطوط او تجاعيد.

يبلغ سعره حوالي 307 جنيه مصري.

0
أعجبني
0
ان واي اكس HD استوديو فوتوچينيك كونسيلر / NYX HD Studio Photogenic Concealer

ان واي اكس من افضل كونسيلر دراج ستور رغم ان اسعارها برده مش في متناول الجميع لانها مش رخيصه اوي بس خافي عيوب كونسيلر ده منها لطيف جدًا للاستخدام اليومي لانه كونسيلر خفيف و مش بيعمل طبقه تقيله تحت العين، لكن في نفس الوقت هو تغطيته خفيفه يعني لو تحت عينك غامق اوي مش هيناسبك، مبيدخلش في الخطوط خالص و مش مقاوم للمياه.

يبلغ سعره حوالي 565 جنيه مصري.

0
أعجبني
0

اترك لنا تعليقك